Sunday, April 22, 2018

ஆஸ்திரேலியா டைரி குறிப்புகள் - 2

கங்காரு

ஆறு வயதில்
அம்புலி மாமா என்று
ஞாபகம்..
அதற்கு பிறகு
தூர்தர்ஷனில்
ஞாயிறு மாலை வரும்
வேர்ல்ட் ஆப் சர்வைவல்
வளர்ந்து வந்த
காலங்களில்
சுற்றுலா போன
எல்லா மிருக காட்சிசாலைகளிலும்
விசாரித்ததுண்டு
பின்னொரு நாளில்
பிராத்தனா பெரிய திரையில்
மனிஷா கொய்ராலாவை
கமலஹாசன் விரட்டி பாடும் போது
பக்கத்தில் பார்த்தது
சிட்னி இறங்கியதும்
நகர தெருயோரங்களில்
காண கிடைக்கவில்லையென
நொந்தது
பார்த்தே ஆகணும்
என ஆசை அலை அலையாய்
அடித்த ஒரு சாலை பயணத்தில்
வண்டி ஓட்டிய நண்பர்..
வேகம் குறைத்து
அந்தா பாருங்க என்றார்
ஆறடி இருக்கும்
ரத்த வெள்ளத்தில்
நடு வழியில்
கேட்பாரற்று வாய்பிளந்து
கிடந்தது
"கங்காரு"